Suzan Bojl doživjela moždani udar

Škotska pjevačica Suzan Bojl, koja se proslavila u šou programu “Britanija ima talenat”, doživjela je manji moždani udar u aprilu ove godine.

To je sama otkrila kada se pojavila u finalu pomenutog šoua, a na ovu scenu je ponovo stala poslije 14 godina i otpjevala pesmu “I dreamed a dream”, koja ju je i lansirala u zvijezde.

– Sjajan je osjećaj biti ovdje. Za mene je stvarno posebno jer sam u aprilu doživjela manji moždani udar. Borila sam se da se vratim na scenu i uspjela sam – rekla je ona nakon što je nastupila.

Sajmon Kauel, zaštitno lice i član žirija ovog programa, obratio joj se emotivnim riječima.

– Suzan, mi ti toliko dugujemo. Znao sam da nisi dobro, ali ako bi se iko vratio na ovu scenu, to bi bila ti. Bez tebe ne bi bilo isto – rekao je on.

Klikni na "like" i pridruži nam se na Facebooku

Suzan je, podsjetimo, u pomenutom takmičenju došla do finala u kome je zauzela drugo mjesto. Tokom karijere zaradila je 22 miliona funti, ali nije postala rasipna, već je nastavila sa skromnim životom. Još uvijek živi u svojoj kući iz djetinjstva u zapadnom Lotijanu.

(Express/Espreso)