Moja strast je bio fudbal, a tenis sam igrao protiv moje volje

Bivši ruski teniser Marat Safin u razgovoru za ESPN govorio je o značaju majke Rauze na njega i sestru Dinaru, ali i da je njegova strast bio fudbal a ne tenis.

Safin je, baš kao i Dinara, bio prvi igrač svijeta, a može da se pohvali da je osvojio 15 titula u singlu i dvije u dublu. Ostavao je značajan trag u svijetu tenisa.

“Bilo je do tada samo sestara Vilijams, ali brat i sestra nikada nisu bili oboje na vrhu. To je zasluga moje majke, bila je igračica, igrala je juniorski Rolan Garos, tada je bila trener i podizala nas kao tenisere. To je bio poklon za našu majku da ima dva broja u kući. Odradila je sve svoje poslove i odgajala je djecu, koja su bila broj jedan na svijetu. Molim je da uživa u tome, mora da bude najsrećnija majka na svijetu”, rekao je četrdesetogodišnji Safin za ESPN, a prenio B92.

Iako je postigao veliki uspjeh, kaže da nije bio rođen za tenis.

Klikni na "like" i pridruži nam se na Facebooku

“Nikada nisam volio da igram tenis, nikada nisam uživao, nikada se nisam dobro provodio na terenu. Imao sam pritisak i obaveze, gurali su me da igram. Nisam imao tu strast na terenu. Moja strast je bila da budem fudbaler, a igranje tenisa je bilo protiv moje volje. Moja karijera je, zbog toga, bila čudo”, ispričao je Safin, dvostruku grend slem šampion i osvajač Dejvis kupa, koji sada živi povučeno.

Safin se profesiobalno tenisom bavio 12 godina, a u penziji je od 2009.