Ankaraguču pregazio Tadića i kolege u Kupu Turske

​Fudbaleri Ankaragučua plasirali su se u polufinale Kupa Turske. Oni su večeras na svom terenu deklasirali veliki Fenerbahče sa 3:0, a kapiten Dušan Tadić i saigrači odigrali vjerovatno najlošiju utakmicu u sezoni.

Od samog starta domaćin je zagospodario terenom i za sve se pitao. Poveo je Ankaraguču protiv velikog favorita u 10. minutu kada je Olimpiju Morutan šutirao sa distance, lopta na putu ka mreži zakačila jednog od njegovih saigrača i završila u mreži Fenera.

Do kraja prvog dijela Ankaraguču je udvostručio prednost, i to u 33. minutu. Grk Anastasios Hacijovanis uzeo je loptu na svojoj polovini sa njom u nogama pretrčao čitav teren i smjestio je iza leđa golmana gostiju Irfana Egribajta.

Klikni na "like" i pridruži nam se na Facebooku

Posljednji udarac Feneru Ankaraguču je zadao tri minuta prije kraja. Bivši igrač Mančester Junajteda, Federiko Makeda lako je prošao po lijevoj strani, uputio povratni pas do Garija Rodrigeza, a fudbaler sa Zelenortskih Ostrva dovršio sjajno veče domaćih.

Pratite nas na našoj Facebook i
Instagram stranici, kao i na
X nalogu.